Alam mo yung nasa MRT ka tapos mangilid-ngilid yung luha mo? Yung tipong naipit yung mga kamay mo sa dami ng mga tao at hindi mo matakpan yung patulo palang na patak ng luha sa mata mo.
It was my experience this morning. Actually nasa jeep palang ako nag-sisimula ng maging active ang tear glands ko. Just having thought of him na nasa byahe papuntang airport, it really breaks my heart. Luckily I was able to hold back. Hehe. Ang hirap pigilin ng luha no! Sa totoo lang hindi naman ako iyaking tao, bihirang-bihira lang talaga kong umiyak. Iilang tao palang ang nakapag-paiyak talaga sakin. Una yung mga nambully sakin yung nursery ako(kinder na yata yun? Ewan ko. Hindi ko din alam kung may nambully ba sakin o kung ako yung bully. Haha!) Pangalawa, yung pari nung recollection namin nung grade 6 ako. Tapos, siyempre family ko. Tapos si Richelle nung February 12, 2010. Haha! (Peace pards!) Tapos yung mga pastor sa Destiny nung nag-encounter ako. At ang latest na nagpaiyak talaga sakin ngayon eh si Erick Jayson delos Santos. Ibang klase ngang magpa-iyak yun eh, grabe. Hindi naman ako usually tinatablan ng mga dramang may aalis pero it was different when you are the one experiencing the "paglisan" part. Ngayon ko lang talaga to naramdaman. Yung kapag mag-isa lang ako at naaalala kong umalis ka na pala bigla nalang tutulo yung luha ko. I am trying not to cry but I can't help it. Hindi ko kayang pigilan, ang hirap din kasing pigilan. Mahirap kimkimin sa loob. Dapat ilabas. Hehe. Tignan mo yang ugali mo, dahil sayo naging iyaken tuloy ako. Haha! Natatawa nga ako sa sarili ko kanina, habang kumakain ako ng lunch sa opisina umiiyak ako, instant sabaw nga eh(pero hindi kasama yung sipon, luha lang. haha!)
Ayun, sabi nga sayo ni David ibang klase yung ugali mo. Ibang klase naman talaga. The way you interact with people, the way you throw your pickup lines and jokes, it was awesome! I'm not like that. I can't do it the way you do it. It's just a lot better than ours. Hehe. Para kang may AoE na Confidence Aura, kasi tumataas talaga confidence ko pag ikaw ang kasama ko, siguro nga dahil sadyang makapal lang ang mukha mo at nadadamay kami ni David. Haha! Pero ang laking tulong nun ah! Madami akong nagawang mga bagay na hindi ko naman usually nagagawa pag mag-isa lang ako o pag si David ang kasama ko. Iba ka nga kasi talaga eh. Haha! Unaware ka lang sa mga impact na nagagawa mo sa buhay ng mga taong nakapaligid sayo, at isa na ko dun. MARAMING MARAMING SALAMAT TALAGA!
Hindi ka pa man nagtatagal dyan eh excited na kaming lahat sa pagbabalik mo dito. Kaya siguraduhin mo lang na babalik ka, kundi yari ka samin. Hahaha! Ayusin mo buhay mo dyan ah! Pag ikaw nag-loko diyan, uupakan talaga kita! Haha! Ang devotion at prayer life wag kalimutan ah. Hehe. Pag may problema magmessage ka lang sakin sa FB, Friendster, Multiply, Tumblr o Yahoo at susubukan kong makatulong sa abot ng aking makakaya. Hehe. Lagi ka pa din namang kasama sa mga prayers namin. May bago na naman ako isusulat sa dream book ko--ang umuwi ka na dito. hehe! Ang dami kong natutunan sayo nung nandito ka pa, at kahit ngayong umalis ka na eh madami pa din akong natututunan sayo. Ibang klase ka. Natutunan ko ulit kung paano magpahalaga sa mga tunay mong kaibigan. Our friendship itself is a compilation of life's lessons. Kahit wala ka dito, palagi ka pa din namang nasa puso namin(halos maubos na nga yung space sa puso ko eh, ang laki nung inoccupy mo eh. hahaha!) Siyempre malaking kawalan ka, wala ng sisigaw bigla ng "teh,9,8,7..." pag gumagala tayo. Wala ng magkukwento tungkol sa mga gadgets at kung ano-anong update sa tech-world. haha! Ang dami ko tuloy mamimiss ngayong wala ka na dito. Pati sa bday ko wala ka, anu ba yan! haha! Ang daya mo! Tama na siguro 'to, baka magkaroon pa ng part 3 eh, maiiyak na naman ako nito eh. haha! SOBRANG SALAMAT TALAGA. Naalala ko yung text mo sakin after nung bday mo, "Salamat sa astig niyong gifts pero mas astig ang maging kaibigan ko kayo :')" Noon palang ibig ko nang humagulgol eh. Wag ka kasing magdadrama. Nang-aano ka eh. Haha! Pero gusto ko lang malaman mo mas astig pa din na naging TUNAY NA KAIBIGAN KITA.
Where FRIENDSHIP is spelled as EMMAN, DAVID AND JAYSON.
Hindi naman talaga ko iyaking tao pero mula kagabi hanggang sa mga oras na 'to ay patuloy ang pagtulo ng mga luha ko kalakip ang mga pangarap ko para sa'yo.
Para sayo 'to ERICK JAYSON DELOS SANTOS, isa kang tunay na kaibigan.Nagmamahal, ang iyong tunay na kaibigan, EMMAN SUAREZ.
No comments:
Post a Comment