Ang Tunay na Kaibigan Ay...

Si Jayson. 

Ibang klase. Ibang klase ang kapal ng mukha pati ikaw mahahawa. Hahaha! Peace men! 

3 kami sa gang(wow ah! competitive ang dami ng members ng gang. haha!) namin, binubuo ng 3 notorious at kilabot na sina Emman, David at Jayson. Hindi ko na maalala kung paano nagsimula ang kwento basta alam ko mga bata palang kami magkakasama na talaga kami. Magkakasama kaming naliligo sa sapa, sa ilog, sa batis at sa kung saan-saan pang small body of water(pero dapat alam niyo na sa ngayon na joke lang yun.) Pero totoo yung mga bata palang kami magkakasama na kami, hindi pa nga lang kami ganun ka-close katulad ngayon. 

Mula sa pagka-bata hanggang sa pagbibinata hanggang sa naging mama hanggang maging matanda e kayo ang aking mga tunay na kaibigan. Sa hirap at ginhawa, sa sarap at pagdurusa, sa tawanan at iyakan, sa kwentuhan at kabarberuhan, sa inuman(ng yakult) at pulutan(ng bituka at dilis na pula) kayo ang lagi kong kasangga. At dahil dyan ginanahan akong magsulat ng blog.

Jayson para sayo 'to. (David, wag ka magtatampo. Hehe. Alam kong maiintindihan mo ko.)

Kung may pipiliin akong mga tao na gusto kong manatili sa buhay ko, isa ka sa mga pipiliin ko(so gay! hahaha!) Hindi dahil may nararamdaman ako para sayo(dahil alam kong ikaw ang may nararamdaman para sakin. hahaha!) pero dahil ang dami kong natutunan sayo, mukhang joke pero totoo. Kahit madalas kalokohan ang pinagagagawa natin eh may mga bagay kang tinuro sa akin na hindi ko makakalimutan. Madami akong natutunan sayo unang-una kung pano dumiskarte sa chicks(joke lang pards. hehe. Si David talaga yung nakinabang dun. Haha!) Ang dami kong natutunan sa mga simpleng diskarte sa buhay. Natuto din ako sayo kung pano kumuha ng malupit na shot sa camera. Ikaw ang 2nd kong idol sa photography(1st si manong Dan. hehe.) Kung di siguro ikaw ang kasama kong kumukuha ng mga litrato eh malamang hindi ko na tinuloy yun. Ikaw ang nagturo sakin kung pano magdesign ng simple pero rock. Ikaw ang nagturo sakin ng website ng redbucks na red****.com. Hahaha! Yun talaga ang pinakaimportante sa lahat eh! hahaha! Ikaw din ang nagturo sa akin kung pano matawa at maging masaya sa kabila ng kaba, pressures at problema. Ikaw ang nagturo sa akin kung pano magpasaya ng iba sa mga oras na problemado at malungkot sila. Ikaw ang nagturo sa akin na ipakita kung sino kang talaga, na hindi mo kailangang magpretend, hindi mo kailangang magpanggap na ibang tao ka. Alam kong hindi mo sinadyang ituro sakin ang mga ito(maliban dun sa website ng redbucks. haha!) pero ito yung mga bagay na natutunan ko sa buhay mo sa ilang taon ng pagkakaibigan nating 2. Actually marami pang iba pero baka humaba ng masyado kaya eto nalang muna for now. Next time na yung iba. Haha! Pero totoo talagang sayo ko natutunan ang mga 'yon. 

Salamat brad sa lahat. Sa lahat ng tawa, ng saya, ng pelikula, ng kanta, ng installer, ng tshirt, ng resources, at kung anu-ano pa. Sa lahat ng tulong, sa lahat ng pinagsamahan natin, sa lahat ng kulitan, kwentuhan at halakhakan. At siyempre sa lahat ng utot na pinaamoy mo samin twing kasama mo kami. SALAMAT.  

Kung ako ang tatanungin, sa totoo lang ayaw ko sanang umalis ka. Sino ba naman ang may gustong umalis ka. Pero siymepre ang selfish ko naman kung pinairal ko yung mindset ko na yun. Alam ko naman kasi yung purpose, yung reason kung bakit kailangang umalis. Alam ko din naman kung may option ka pipiliin mo ding wag umalis, pero minsan hinihiling talaga ng sitwasyon at panahon na umalis ang mga taong mahahalaga sa buhay natin. OO, mahirap para samin na maiiwan mo dito. Siyempre malungkot dahil wala na yung makwento, wala na yung makapal ang mukha, wala na yung magaling makisama, wala na yung magaling mambola pero naisip ko din kung mahirap samin malamang mas mahirap sa part mo. Kasi wala kang dadatnang kaibigan diyan. Ayan, kasi, aalis-alis ka pa eh. Hahaha! Alam kong ito naman talaga ang pangarap niyo ng mommy mo nuon pa. Sa wakas, matutupad na siya! Checkan mo na yung dream book mo! Hehe! At dahil diyan, naging parte nadin ng pangarap ko ang na matupad ang mga pangarap mo kaya checheckan ko na din yung dream book ko. Hehe.

Hay. Ang hirap pa ding isipin na sa susunod na mga gala, simba, lakad, bday, swimming, ci, meeting, eh di ka na namin kasama. Pano na kami matatawa kung wala ka na? Haha! Ganito pala yung feeling pag may sobrang importanteng tao sayo na aalis at malalayo ng matagal. Ang hirap. Malamang isipin nung iba ang gay ng blog na 'to. Wala akong pakialam, dahil ang tunay na kaibigan kayang sabihin ang mga ito sa kapwa niya tunay na kaibigan. Haha! Ang hirap talaga, ang hirap malaman kung pano ko tatapusin tong blog na 'to kasi ang dami ko pang gustong sabihin, ang dami ko pang gustong ipagpasalamat sayo. Basta sobrang salamat sa lahat ah. Mula sa pagsakay sa FX niyo na naging FX namin at pagsakay sa Revo niyo na naging Revo namin. Sa lahat. as in lahat! You are the hottest person(next to me) i know(si david kasi yung coolest eh. haha!) It has always been a joy in my heart every time na magkakasama tayo. Ibang klaseng saya pag kayo ang kasama. Ibang klase mga kaibigan kayo. Ibang klaseng pagkakaibigan ang meron tayo. I really thank God for your life. Thank you for sharing your life with me. Pasensya na din kung may mga pagkakataon na nabadtrip ka at naaasar ka sakin. Sorry. 

Pagbalik mo dito certified engineer na si David at Art Director na ko! Bigtime na kami sa mga panahon na yun. And what should we expect from you, malamang mas bigtime ka na nun samin(bukod sa literal na bigtime ka. haha!) Feeling ko ang haba na nito, pagkatapos mo to basahin malamang nasa Canada ka na! Haha! Buti may FB, hehe! Balitaan mo kami kung ano ng nangyayari sayo jan ah. Babalitaan ka din namin kung ano ng nangyayari samin dito. Sobrang mamimiss ka namin. Wag mo din pala kami pagpapalit sa mga bago mong kaibigan dyan ah. Haha! 

Mag-iingat ka dyan. Labyu brad! Hahaha! God will surely bless you abundantly! PRAY hard!